खानबस्न नदिएको भन्दै छोराले गरे आमाबुवाको हत्या
<p>काठमाडौं। तेह्रथुमको फेदाप गाउँपालिकाका एक युवकले बन्चरो प्रहार गरेर बुवाआमाको हत्या गरेका छन्।</p>
<p>फेदाप गाउँपालिक-५ इसिबुका २० वर्षीय कञ्चन लिम्बूले ४२ वर्षीय बुबा रुपबहादुर लिम्बू र ३५ वर्षीया सौतेनी आमा इशा खापुङ लिम्बूको हत्या गरेको जिल्ला प्रहरी कार्यालय तेह्रथुमले जनाएको छ।</p>
<p>हत्या गरिएकी आमा युवककी सौतेनी आमा हुन्। जिल्ला प्रहरी कार्यालय तेह्रथुमका प्रमुख डीएसपी नविनकिशोर प्रधानका अनुसार घरायसी विवादमा ती युवकले बन्चरो प्रहार गरेर हिजो बेलुकी हत्या गरेका हुन्।</p>
<p>“हत्या गरिएको हामीलाई जानकारी आएपछि तत्कालै नजिकै रहेको प्रहरी चौकीबाट टोली खटिएको हो”, उनले भने, “युवकलाई नियन्त्रणमा लिइसकिएको छ।”</p>
<p>आफूलाई बुवाले घरमा खानबस्न नदिने र हेला गरेकाले हत्या गरेको उनले स्वीकारेका छन्।</p>
<p>घटनास्थल मुचुल्का गरेर शव पोष्टमार्टमका लागि सदरमुकामस्थित जिल्ला अस्पताल ल्याउने तयारी भइरहेको डीएसपी प्रधानले जानकारी दिए।</p>
<p>हत्या गरिएका दम्पतीकी ६ महिनाकी नाबालक छोरीसमेत छिन्। घटनाका बारेमा थप अनुसन्धान भइरहेको छ।</p>
प्रतिक्रिया दिनुहोस्
.jpg)
