लाइसेन्स नै नभएका व्यक्तिले मापसे गरेर एम्बुलेन्स चलाएपछि...
<p style="text-align:justify">काठमाडौं। काठमाडौंको गौशालास्थित् सडकमा सवारी चालक अनुमति पत्र (लाइसेन्स) नै नभएका व्यक्तिले मादक पदार्थ सेवन गरेर एम्बुलेन्स चलाएको भेटिएको छ।</p>
<p style="text-align:justify">आज दिउँसो मित्रपार्कबाट एअरपोर्टतर्फ गइरहेको बा१० च ८५१३ नम्बरको निजी कारलाई विपरीत दिशाबाट आएको एम्बुलेन्सले ठक्कर दिएपछि घटना सार्वजनिक भएको हो।</p>
<p style="text-align:justify">महानगरीय ट्राफिक प्रहरी महाशाखाका अनुसार बा८ च ६९२८ नम्बरको एम्बुलेन्स अनियन्त्रित हुँदै आएर ठक्कर दिएको थियो।</p>
<p style="text-align:center"><img alt="" height="455" src="https://www.dekhapadhi.com/storage/photos/shares/Social/Ambulance-1-25-next.jpg" width="960" /></p>
<p style="text-align:justify">एम्बुलेन्सको ठक्करबाट निजी कार चालक गोगबु बस्ने २९ वर्षीय सविन श्रेष्ठ सामान्य घाइते भएका छन्। अन्य क्षति भने केही नभएको प्रहरीले जनाएको छ।</p>
<p style="text-align:justify">एम्बुलेन्स चालक मोरङ पथरी नगरपालिका बस्ने ३६ वर्षीय रामबहादुर चौधरीलाई प्रहरीले नियन्त्रणमा लिएको छ।</p>
<p style="text-align:justify">उनीमाथि आवश्यक अनुसन्धान भइरहेको छ। सक्रिय समाज काठमाडौंको उक्त एम्बुलेन्स र निजी कारलाई गौशाला प्रहरी वृतमा राखिएको छ।</p>
.jpg)
