नेत्रविक्रम चन्द समूहका पोलिटब्यूरो सदस्य अनिल शर्मा पक्राउ
<p>काठमाडौं। प्रहरीले नेत्रविक्रम चन्द समूहका पोलिटब्यूरो सदस्य अनिल शर्मालाई पक्राउ गरेको छ।</p>
<p>गृह मन्त्रालयको स्रोतका अनुसार उनलाई चितवनबाट प्रहरीले पक्राउ गरेको हो।</p>
<p>चितवन मेडिकल कलेजमा उपचार गर्न आएको विशेष सूचनाको आधारमा प्रहरीको टोलीले उनलाई पक्राउ गरेको एक उच्च प्रहरी अधिकृतले जानकारी दिए।</p>
<p>अहिले शर्मा सुरक्षाकर्मीको नियन्त्रणमा मेडिकल कलेजमा नै उपचाररत रहेको खुलेको छ।</p>
<p>ती उच्च अधिकृतले उपचारपछि प्रहरीले उनलाई हिरासतमा लिएर आवश्यक अनुसन्धान गर्ने बताए। सरकारले प्रतिबन्ध लगाएको नेत्रविक्रम चन्द समूहका कार्यकर्ता विभिन्‍न समयमा पक्राउ पर्दै आएका छन्। </p>
प्रतिक्रिया दिनुहोस्
.jpg)
