एम्बुलेन्सको ठक्करबाट सशस्त्र प्रहरी हवल्दारको मृत्यु
<p>कैलाली । पूर्वपश्‍चिम राजमार्गमा एम्बुलेन्सको ठक्करबाट एक सशस्त्र प्रहरी हवल्दारको मृत्यु भएको छ ।</p>
<p>मृत्यु हुनेमा सशस्त्र प्रहरी बेस क्याम्प पहलमानपुरमा कार्यरत सहायक हवल्दार गोरख ऐर रहेको प्रहरीले जानकारी दिएको छ ।</p>
<p>घाइते ऎरको सुखडस्थित घोडाघोडी अस्पतालमा उपचारका क्रममा मृत्यु भएको इलाका प्रहरी कार्यालय सुखडका निरीक्षक सूर्यबहादुर खडकाले जानकारी दिए । </p>
<p>उनका अनुसार गौरिगंगा नगरपालिका ९ शंकरपुरमा पश्‍चिमबाट पूर्वतर्फ जाँदै गरेको ओमसाई अस्पताल धनगढीको से१च १८२८ नम्बरको एम्बुलेन्सले विपरीत दिशाबाट आउँदै गरेको मोटरसाइकललाई ठक्कर दिएको थियो।</p>
<p>ठक्करबाट मोटरसाइकल चालक घोडाघोडा १० का भरत बोहरा सामान्य घाइते भएको र उनको घोडाघोडी अस्पतालमा उपचार भइरहेको प्रहरी निरीक्षक खड्काले बताए । </p>
<p>धनगढीबाट बिरामी बोकेर काठमाडौं जाँदै गरेको उक्त एम्बुलेन्स र चालक धनगढी उपमहानगरपालिका १० का आशाराम चौधरीलाई प्रहरीले नियन्त्रणमा लिएको छ ।</p>
प्रतिक्रिया दिनुहोस्
.jpg)
