दक्षिण भारतीय सिनेमामा डेब्यु गर्दै सलमान खान
<p>मुम्बई। बलिउड सुपरस्टार सलमान खानले दक्षिण भारतीय सिनेमामा डेब्यु गर्ने भएका छन्।</p>
<p>उनले अभिनेता चिरञ्‍जीवीको फिल्म ‘आचार्य’मार्फत दक्षिणको सिनेमा उद्योगमा डेब्यु गर्न लागेका हुन्। </p>
<p>यो फिल्म मलायलम फिल्म ‘लुसिफर’को रिमेक हो, जसमा अभिनेता मोहनलालको मुख्य भूमिका थियो।</p>
<p>फिल्म आचार्यमा अनुबन्ध र बाहिरिने विवाद पनि चल्दै आएको छ। तर, सलमान खानको अभिनय रहने निश्‍चित भएपछि छिट्टै प्रोजेक्ट अगाडि बढ्ने भएको छ। र, यसले भारतभर चर्चा बटुलेको छ।</p>
<p>फिल्ममा मुख्य भूमिकाका लागि सलमानबाहेक अरू कुनै अभिनेतासँग निर्माण पक्षले सम्पर्क गरेको छैन।</p>
<p>सलमानले पहिलोपटक दक्षिण भारतीय सिनेमामा अभिनय गर्न लागेका हुन्। यसमा उनको भूमिका पृथ्वीराजको हुनेछ। सलमान र चिरञ्‍जीवी अति मिल्ने मित्र हुन्।</p>
प्रतिक्रिया दिनुहोस्
.jpg)
