सीमा सुरक्षामा खटिएका सशस्त्रका असईको मृत्यु
<p>सप्तरी। लकडाउन कार्यान्वयनका लागि सप्तरीस्थित नेपाल-भारत सीमामा खटिएका एक सशस्त्र प्रहरीको मृत्यु भएको छ।</p>
<p>बोदे बर्साइन नगरपालिका-९ देउरीमा खटिएका सशस्त्र प्रहरीका सहायक निरीक्षक ४० वर्षीय कुलबहादुर कार्कीको मृत्यु भएको सशस्त्र प्रहरी गण ६ नम्बरले जनाएको छ ।</p>
<p>भारतसँग सीमा जोडिएको क्षेत्रमा खटिएका कार्की हिजो, २२ वैशाखमा अचानक बेहोस भएर ढलेपछि तत्कालै उपचारका लागि राजविराजस्थित गजेन्द्रनारायण सिंह सगरमाथा अस्पताल पुर्‍याइएको थियो।</p>
<p>अस्पताल पुर्‍याएपछि कार्कीलाई चिकित्सकले मृत घोषणा गरेको सशस्त्र प्रहरी नायब उपरीक्षक राजु दाहालले बताए। </p>
<p>कार्कीको शव परिवारका सदस्यहरुले झापाको चन्द्रगढी लगेका छन्।</p>
<p>उच्च रक्तचापका कारण मृत्यु भएको अनुमान गरिए पनि शव परीक्षणको रिपोर्ट आएपछि मात्र मृत्युको कारण खुल्ने दाहालले जानकारी दिए। <em>रासस</em></p>
प्रतिक्रिया दिनुहोस्
.jpg)
