कटुवा पेस्तोलसहित तीनजना पक्राउ
<p>धनगढी । क्षेत्रीय अनुसन्धान समूह (आरआईटी) ले एक थान कटुवा पेस्तोल सहित तीनजनालाई पक्राउ गरेको छ ।</p>
<p>पक्राउ पर्नेमा धनगढी उपमहानगरपालिका १२ का अविनाश थापा (२१), सोही ठाउँका नब्बु भनिने नवराज बराइली (२०) र विनोद कुँवर छन् ।</p>
<p>सुदूरपश्चिम प्रदेश प्रहरी प्रमुख डीआईजी उत्तमराज सुवेदीका अनुसार धनगढी–७ जाखोरताल वनक्षेत्रमा लुकाइछिपाइ राखेको अवस्थामा कटुवा पेस्तोल एक थान र त्यसको गोली एक राउन्ड बरामद भएको हो ।</p>
<p>आरआईटीका प्रहरी नायब निरीक्षक केशव जोशी नेतृत्वको समूहले पक्राउ गरेका तीनैजनालाई थप अनुसन्धानका लागि जिल्ला प्रहरी कार्यालय कैलाली पठाइएको छ ।<br />
</p>
प्रतिक्रिया दिनुहोस्
.jpg)
