वन्यजन्तुलाई पासो थाप्दै गर्दा तीनजना पक्राउ
<p>सर्लाही। बागमती नगरपालिका–१० शङ्करपुरको जंगलमा वन्यजन्तु मार्न पासो थाप्दै गरेका तीनजना पक्राउ परेका छन्।</p>
<p>पक्राउ पर्नेमा बागमती नगरपालिका-४ का चन्द्रबहादुर ब्लोन, वडा नमब्र २ का सन्देश मोक्तान र त्यही वडाका भीमबहादुर डिमडुम छन्।</p>
<p>सवडिभिजन वन कार्यालय मूर्तियाबाट खटिएको सशस्त्र वन रक्षकको टोलीले पक्राउ गरेको हो।</p>
<p>वन रक्षक टोलीलाई देखेर अन्य शिकारी भागेका छन्। सशस्त्र वन रक्षक टोलीले घटनास्थलबाट ठूलो परिमाणमा वन्यजन्तु मार्न प्रयोग गरिने पासो र बा. ७० प ३५७८ नम्बरको पल्सर मोटरसाइकल बरामद गरेको छ।</p>
<p>पक्राउ परेका तीनै जनालाई सव डिभिजन वन कार्यालय मूर्तियामा राखेर थप अनुसन्धान भइरहेको जनाइएको छ ।</p>
<p>लकडाउनको समयमा सर्लाहीको जंगलमा वन्यजन्तुको चोरी शिकार गर्ने क्रम बढेको स्थानीयवासीले जनाएका छन् ।</p>
<p>केही दिनअघि मात्र वन्यजन्तु मार्न हानेको भरुवा बन्दुकको गोली लागेर मूर्तिया जंगलमा दुई जना घाइते भएका थिए । रासस</p>
प्रतिक्रिया दिनुहोस्
.jpg)
