भावी प्रधानसेनापतिलाई रथीको दर्ज्यानी चिन्ह
<p>काठमाडौं। हालै नेपाली सेनाको रथीमा बढुवा भएका प्रभुराम शर्मालाई दर्ज्यानी चिन्ह प्रदान गरिएको छ।</p>
<p>आज सैनिक मुख्यालय भद्रकालीमा आयोजित विशेष कार्यक्रममा प्रधानसेनापति पूर्णचन्द्र थापाले शर्मालाई दर्ज्यानी चिन्ह प्रदान गरेका हुन्।</p>
<p>१४ वैशाखको मन्त्रिपरिषद्को निर्णयअनुसार शर्मा १९ वैशाखदेखि उपरथीबाट रथीमा पदोन्नती भएका थिए।</p>
<p>रथी शर्मा यसपछि प्रधानसेनापतिका प्रमुख दाबेदार हुन्। </p>
<p>आजै उपरथीद्वय आनन्दकुमार अधिकारी र सञ्जय थापालाई पनि दर्ज्यानी चिन्ह प्रदान गरिएको छ।</p>
<p>१४ वैशाखकै मन्त्रिपरिषद्को निर्णयानुसार अधिकारी १४ वैशाख र थापा १९ वैशाखदेखि सहायक रथीबाट उपरथी दर्जामा बढुवा भएका थिए।</p>
<p>रथी दर्जामा पदोन्नती भएका शर्मालाई बलाध्यक्षको जिम्मेवारी दिइएको छ भने उपरथी दर्जामा पदोन्नती भएका अधिकारीलाई उपत्यका पृतना हेडक्वार्टर र थापालाई मध्यपश्चिम पृतना हेडक्वार्टरको पृतनापतिको जिम्मेवारी दिइएको छ। </p>
प्रतिक्रिया दिनुहोस्
.jpg)
