क्वारेन्टाइनमा लैजाँदै गर्दा बैतडीमा एक वृद्धको मृत्यु
<p>कैलाली। भारतको झुलाघाटबाट उद्धार गरेर ल्याइएका एक जनाको बैतडीमा मृत्यु भएको छ।</p>
<p>बैतडीको पुरचौडी नगरपालिका- ७ का ६७ वर्षीय जुनी लोहारको मृत्यु भएको प्रहरीले जनाएको छ।</p>
<p>उनलाई क्वारेन्टाइनमा राख्न लैजाने क्रममा बाटोमा मृत्यु भएको जिल्ला प्रहरी कार्यालय बैतडीका प्रमुख, प्रहरी नायव उपरीक्षक डिल्लीनारायण पाण्डेयले बताए।</p>
<p>मृतक लोहारको थ्रोट स्वाबको नमूना परीक्षणका लागि संकलन गरिएको छ।</p>
<p>उनको मृत्युको कारण भने खुल्न सकेको छैन।</p>
<p>उनी त्यसअघि भारतको झुलाघाटमा रहेको क्वारेन्टाइनमा बसेका थिए। </p>
<p>१८ वैशाखमा सीमावर्ती भारतीय भूभागमा क्वारेन्टाइटनमा बसिरहेकाहरूका लागि सरकारले नाका खोलेपछि उनी घर फर्किएका थिए। </p>
<p>त्यो दिन उनीसिहत दुई हजार ६९५ जना नेपाली बैतडीको झुलाघाट र दार्चुलाकाे नाका भएर फर्किएका थिए। </p>
प्रतिक्रिया दिनुहोस्
.jpg)
