खेलकुद पत्रकार सुमन भोम्जनको स्मृतिमा वृद्धाश्रमलाई सहयोग
<p>काठमाडौं। नेपाल खेलकुद पत्रकार मञ्चले आफ्ना सदस्य सुमन भोम्जनको पाँचौं वर्षको स्मृतिमा मकवानपुरको एक वृद्धाश्रमलाई सहयोग गरेको छ।</p>
<p>मञ्चको मकवानपुर समन्वय शाखाका संस्थापक अध्यक्षसमेत रहेका भोम्जनको २०७२ को महाभूकम्पमा परी निधन भएको थियो।</p>
<p>गोरखापत्र संस्थानमा कार्यरत् भोम्जनको भुकम्पको आठ दिनपछि १९ वैशाखमा शव भेटिएको थियो।</p>
<p>यसपटक कोभिड-१९ महामारीका कारण मञ्चले केन्द्रमा कुनै पनि औपचारिक कार्यक्रम आयोजना गरेन।</p>
<p>भिडिओ कन्फ्रेसबाट बसेको मञ्चको केन्द्रीय कार्यसमितिले भोम्जनको स्मृतिमा मनाइदै आएको कार्यक्रम यो वर्ष नगर्ने र उनको जिल्लामा अवस्थित वृद्धाश्रममा सहयोग गर्ने निर्णय गरेको थियो।</p>
<p>हेटौडाको चौकीटोल २ स्थित ओम वृद्धाश्रममा रहेका ४० वृद्धवृद्धालाई भोजन गराइएको छ।</p>
<p>कार्यक्रममा भोम्जनकी आमा विमला भोम्जन, नेपाली राष्ट्रिय फुटबल टोलीका सदस्यद्धय रञ्जन विष्ट र अञ्जन विष्ट सहभागी थिए।</p>
<p>उनीहरूले आश्रमका अध्यक्ष बुद्धिप्रसाद पौडेललाई १० हजार रुपैयाँ हस्तान्तरण गरेका छन्।</p>
प्रतिक्रिया दिनुहोस्
.jpg)
