अन्नपूर्णको हिमपहिरोमा हराएका सातजनाकै शव भेटियाे
<p>कास्की। अन्नपूर्ण आधार शिविर पदयात्राको क्रममा गत ३ माघमा कास्कीको अन्नपूर्ण गाउँपालिका–११ को हिङ्कुकेभ वरिपरिको हिमपहिरोमा परी बेपत्ता थप दुईजनाको शव आज बिहान फेला परेको छ।</p>
<p>यससँगै सो पहिरोमा परेर हराएका तीन नेपाली पर्यटक पथप्रदर्शक तथा चार कोरियन पर्यटक गरी सातजनाकै शव फेला परेको हो।</p>
<p>आज नेपाली छिरिङ भोटे र अर्का एक कोरियन पर्यटकको शव भेटिएको हो। <a href="https://dekhapadhi.com/news/11456" target="_blank">चार दिनदेखि खोजीमा रहेको </a>नेपाली सेना, नेपाल प्रहरी तथा स्थानीयवासीसहितको टोलीले उनीहरूको शव भेटाएको जिल्ला प्रहरी कार्यालयका प्रवक्ता एवं प्रहरी नायव उपरीक्षक राजकुमार केसीले जानकारी दिए।</p>
<p>उनीहरूको शव ल्याउनका लागि सेनाको हेलिकोप्टर तयारी अवस्थामा रहे पनि मौसमको प्रतिकूलताका कारणले घटनास्थलमा जान नसकेको उनकाे भनाइ छ।</p>
<p>गर्मीयाम शुरू भएसँगै घटनास्थलमा जमेको बाक्लो हिउँ पग्लन थालेपछि पहिरोमा परेका अन्यको यसअघि विभिन्न मितिमा शव भेटिएको थियो।</p>
<p>अन्नपूर्ण पदयात्राको क्रममा तीन हजार २०० मिटर उचाइमा अवस्थित हिङ्कुकेभ वरिपरि गएको हिमपहिरोमा पर्यटक र नेपाली पथप्रर्दशक हराएका थिए।</p>
प्रतिक्रिया दिनुहोस्
.jpg)
