रोल्पा विष्फोटमा मृत्यु हुने ५ देखि १४ वर्षसम्मका बालबालिका
<p>काठमाडौ। रोल्पाको त्रिवेणी गाउँपालिका-७ मा बम विष्फोटमा परेर मृत्यु भएका चार बालबालिकाको सनाखत भएको छ।</p>
<p>जिल्ला प्रहरी कार्यालय रोल्पाका प्रहरी प्रमुख डीएसपी चित्रबहादुर गुरुङका अनुसार मृत्यु हुनेमा स्थानीय १४ वर्षीय लोकीराम डागी, ११ वर्षीया बिमला खत्री, ५ वर्षीय विजय खत्री र १३ गौरव नेपाली रहेका छन्।</p>
<p>“बम कसरी विष्फोट भयो भन्ने विषयमा अहिलेसम्म केही खुलेको छैन”, डीएसपी गुरुङले <em>देखापढी</em>सँग भने, “मलगायतको टोली अहिले घटनास्थलमा नै छौं। हामीले घटनाको अनुसन्धान गरिरहेका छौं।”</p>
<p>प्रहरीका अनुसार आज बेलुका ६ बजेतिर बाख्रा चराउन जंगल गएका बालबालिकाले खेलौनाजस्तो वस्तु देखेपछि चलाएका थिए। लगत्तै विष्फोट भएको बताइएको छ।</p>
<p>प्रदेश ५ का प्रहरी प्रमुख डीआईजी रविन्द्र धानुकले प्रहरीको टोली अहिले घटनास्थलमा रहेको र आवश्यक अनुसन्धान भइरहेको बताए।</p>
<p>उनले बम पुरानो हो वा अहिलेको के हो भन्ने विषयमा प्रहरीले अनुसन्धान गरिरहेको बताएका छन्।</p>
प्रतिक्रिया दिनुहोस्
.jpg)
