.jpg)
इरफानकाे अन्तिम यात्रामा २० जना मात्र सहभागी
<p>काठमाडाैं। ५४ वर्षको उमेरमै ज्यान गुमाएका बलिउड अभिनेता इरफान खानको शव मुम्बईको वर्सोवा कब्रिस्तानमा गाडिएको छ।</p>
<p>दुई छोरा अयान र बाबिलका साथै परिवारका थोरै सदस्य र इरफानका केही साथी अन्तिम यात्रामा सहभागी थिए। उनको अन्तिम यात्रामा २० जना मात्र सहभागी थिए।</p>
<p>उनलाई अस्पतालबाट सीधै कब्रिस्तान लगिएको भारतीय मिडियाले जनाएका छन्। कोकिलाबेन धिरुभाइ अम्बानी अस्पतालमा उनको आज निधन भएको थियो।</p>
<p>इरफानलाई एक हप्ता पहिले आन्द्रामा संक्रमण भएपछि अस्पताल भर्ना गरिएको थियो। र, आईसीयूमा राखेर उपचार भइरहेको थियो।</p>
<p>लकडाउनका कारण प्रहरीले उनको पार्थिव शरिर घर लैजान दिएको थिएन। त्यसैले अस्पतालबाट सीधै कब्रिस्तान लगिएको थियो। </p>
<p>भारतीय मिडियाका अनुसार इरफानले अन्तिम श्वास लिँदा आमालाई पुकारेका थिए।</p>
<p>सेलेब फोटोग्राफर विरल भयानीले गरेको पोष्टमा इरफानले अन्तिम श्वास लिनुभन्दा पहिला उनको मुखबाट आमा मलाई लिन आए भन्ने शब्द निक्लिएको जनाएका छन्।</p>
<p>चार दिन पहिला मात्र उनकी ९५ वर्षीया आमा सइदा बेगमको जयपुरमा निधन भएको थियो। </p>
<p>उनले आफ्नी आमासँग अन्तिम समय भिडिओ कलमार्फत् कुरा गरेका थिए।</p>
प्रतिक्रिया दिनुहोस्
.jpg)
