प्रदेश ५ मा प्रदेश जनस्वास्थ्य प्रयोगशाला भवन बनाइने
<p>बुटवल। प्रदेश ५ सरकारले प्रदेश जनस्वास्थ्य प्रयोगशालाको भवन निर्माण गर्ने भएको छ।</p>
<p>प्रदेश सरकारको आज बसेको मन्त्रिपरिषद्को बैठकले भवन निर्माणसँगै पूर्वाधार निर्माण गर्न स्वीकृति प्रदान गर्ने निर्णय गरेको मुख्यमन्त्रीका प्रेस सल्लाहकार शेरबहादुर केसीले जानकारी दिए।</p>
<p>बैठकले भूमि व्यवस्था, कृषि तथा सहकारी मन्त्रालयले तयार गरेको कृषिकर्मी रोजगार कार्यक्रम सञ्चालन कार्यविधि-२०७७ स्वीकृत गर्ने निर्णयसमेत गरेको छ।</p>
<p>सो कार्यक्रम प्रदेश सरकारको बजेटमार्फत् सरकारले अगाडि सारेको हो। </p>
<p>साथै बर्दिया, प्युठान र रुकुम (पूर्व)मा एकीकृत कृषि तथा पशुपक्षी विकास कार्यालय स्थापना गर्नेसमेत बैठकले निर्णय गरेको सल्लाहकार केसीले जानकारी दिए। <em>रासस</em></p>
प्रतिक्रिया दिनुहोस्
.jpg)
