सगरमाथा निकुञ्जमा ६ कस्तूरी मृत फेला
<p>साेलुखुम्बु। सगरमाथा राष्ट्रिय निकुञ्ज क्षेत्रमा ६ कस्तूरी मृग मृत भेटिएका छन्।</p>
<p>निकुञ्जको केङ्जोमाको ताग्दीमा भन्ने स्थानमा पासोमा झुण्डिएको अवस्थामा ती मृग मृत फेला परेको सगरमाथा राष्ट्रिय निकुञ्ज नाम्चेले जनाएको छ।</p>
<p>मृत भेटिएकामध्ये एक पोथी, तीन भाले र दुईवटाको लिङ्ग पहिचान हुन नसकेको निकुञ्जका प्रमुख संरक्षण अधिकृत भूमिराज उपाध्यायले जानकारी दिए। उनका अनुसार एक मृगको बिना निकालिएको र दुईको शव नै सडेकाले त्यसको पनि झिकेर लगेको अनुमान गरिएको छ।</p>
<p>पहिचान हुन नसकेको मृत मृग घटनास्थलमै गाडिएको र अन्यको पनि मुचुल्का तयार पारी निकुञ्जको परिसरमै गाडिएको बताइएको छ। करीब १० दिनअघि ती मृग मारिएको हुन सक्ने अनुमान गरिएको छ।</p>
<p>लकडाउनको मौका छोपी चोरी शिकार गरिएको हुन सक्ने निकुञ्ज प्रशासनले जनाएकाे छ। चोरी शिकारमा संलग्नको खोजी जारी रहेको र शङ्का लागेका व्यक्तिमा निगरानी बढाइएको संरक्षण अधिकृत उपाध्यायले बताए। <em>रासस</em></p>
प्रतिक्रिया दिनुहोस्
.jpg)
