२५ हजार धरौटी तिरेर रिहा भए पूर्वसचिव उपाध्याय
<p>काठमाडौं। साइबर अपराधको मुद्दामा पक्राउ परेका पूर्वसचिव भीम उपध्याय २५ हजार रूपैयाँ तिरेर रिहा भएका छन्। </p>
<p>काठमाडौं जिल्ला अदालतका न्यायाधीश भरतमणि खनालको इजलासले थुनछेक बहसपछि पूर्वसचिव उपाध्यायलाई २५ हजार धरौटीमा छाड्न आदेश दिएको थियो। </p>
<p>नेपाल प्रहरीको केन्द्रीय साइबर ब्यूरो प्रमुख, एसएसपी नविन्द्र अर्यालले अदालतले तोकेको धराैटी रकम तिरेपछि उनी रिहा भएको बताए। </p>
<p>प्रधानमन्त्री केपी शर्मा ओलीविरुद्ध सामाजिक सञ्जालमा जथावाभी टिप्पणी गरेको भन्दै उपध्यायलाई ब्युरोको टोलीले <a href="https://www.dekhapadhi.com/news/11102" target="_blank"><span style="color:#c0392b;">१० वैशाख राति ललितपुरको कुसुन्तीस्थित उनकै निवासबाट पक्राउ</span></a> गरेको थियो।</p>
<p>११ वैशाखमा अदालत पेश गरिएकोमा अदालतले तीन दिन हिरासतमै राखेर अनुसन्धान गर्न अनुमति दिएको थियो।</p>
<p>हिजाे १४ वैशाखमा उपाध्यायविरुद्ध विद्युतीय कारोवार ऐन अन्तर्गत कारबाहीको माग गरेर अदालतमा मद्दा दायर गरेको थियो। </p>
<p>ऐनको दफा ४७ बमोजिम उपाध्यायलाई पाँच वर्षसम्मको कैद सजाय वा एक लाख रूपैयाँसम्म जरिवानाको माग गरिएको थियो। </p>
प्रतिक्रिया दिनुहोस्
.jpg)
