महाकालीमा बगेर घाइते महिलाको मृत्यु
<p>धनगढी । आइतबार बिहान महाकाली नदीमा बगेर गम्भीर घाइते भएकी दार्चुलाकी महिलाको मृत्यु भएको छ। </p>
<p>महाकाली नगरपालिकाको गल्फईमा नदीमा बगेर गम्भीर बनेकी ब्यास गाउँपलिका १ की सपना तिंकरी ऐतवालको नेपालगञ्‍जमा उपचारका क्रममा मृत्यु भएको हो।</p>
<p>उनको गए राति साढे २ बजे कोहलपुर मेडिकल कलेजमा मृत्यु भएको जिल्ला प्रहरी कार्यालय दार्चुलाका निरीक्षक सुरेन्द्र जोशीले जानकारी दिए । </p>
<p>आइतबार बिहान नदीमा बगिरहेको अवस्थामा सशस्त्र प्रहरी र नेपाल प्रहरीले उद्दार गरेर ऐतवाललाई उपचारका लागि जिल्ला अस्पताल दार्चुला पुर्‍याएका थिए । त्यहाँ उपचार सम्भव नभएपछि नेपाली सेनाको हेलिकोप्टरमार्फत थप उपचारका लागि नेपालगञ्‍ज लगिएको थियो। </p>
<p>ती महिला खोलामा कसरी बगिन् भन्‍ने विषयमा दार्चुला प्रहरीले अनुसन्धान थालेको छ ।</p>
प्रतिक्रिया दिनुहोस्
.jpg)
