चीनका लागि नेपाली राजदूत पाण्डेले लिए शपथ
<p style="text-align:justify">काठमाडौं। चीनका लागि नेपाली राजदूत महेन्द्रबहादुर पाण्डेले शपथ लिएका छन्। </p>
<p style="text-align:justify">राष्ट्रपति विद्यादेवी भण्डारीले आज उनलाई राष्ट्रपति भवन शितल निवासमा पद तथा गोपनियताको शपथ दिलाएकी हुन्।</p>
<p style="text-align:justify">शपथ समारोहमा परराष्ट्रमन्त्री प्रदीपकुमार ज्ञवालीलगायत सरकारका उच्च पदस्थ अधिकारीहरूको उपस्थिति थियो।</p>
<p style="text-align:justify">१८ फागुनमा बसेको मन्त्रिपरिषद् बैठकले तत्कालीन <a href="https://www.dekhapadhi.com/news/7738" target="_blank"><span style="color:#c0392b">राजदूत लीलामणि पौड्याललाई फिर्ता बोलाएर पाण्डेको नाम सिफारिस</span></a> गरेको थियो।</p>
<p style="text-align:justify">संसदीय सुनुवाइ विशेष समितिले १० चैतमा राजदूतमा पाण्डेको नाम अनुमोदन गरेको थियो। </p>
<p style="text-align:justify">पाण्डेविरुद्ध केही उजुरी भए दिन भन्दै समितिले १० दिनको समय दिएपनि उनीविरुद्ध कुनै पनि उजुरी परेको थिएन।</p>
<p style="text-align:justify">तत्कालीन प्रधानमन्त्री केपी शर्मा ओली नेतृत्वको सरकारले पूर्वपरराष्ट्र मन्त्री पाण्डेलाई २०७३ सालमै चीनका लागि राजदूतमा गरेको सिफारिस गरेको थियो। </p>
<p style="text-align:justify">तर, ओली नेतृत्वको सरकार ढलेपछि पुष्पकमल दाहाल नेतृत्वको सरकारले पाण्डेको नाम फिर्ता लिएर पौड्याललाई सिफारिस गरेको थियो।</p>
.jpg)
