लमजुङमा गाउँ पसेकाे चरिबाघकाे उद्धार
<p>लमजुङ। लकडाउनका बेला लमजुङकाे एक गाउँ चरीबाघ भेटिएकाे छ।</p>
<p>राइनास नगरपालिका-४, सातबीसे गाउँमा गयराति चरीबाघ पसेको जिल्ला डिभिजन वन कार्यालयका प्रमुख मोहन काफ्लेले बताए।</p>
<p>गाउँमा बाघ आएको खबर डिभिजन वन कार्यालयलाई आएपछि सोही नगरमा रहेको राइनास सबडिभिजनका कर्मचारीले उद्धार गरी नजिकैको जंगलमै छाडिदिएको उनको भनाइ छ। चरीबाघ सम्भवतः जिल्लामै पहिलोपटक गाउँ पसेको उनी बताउँछन्।</p>
<p>तराईदेखि ४५ मिटरको उचाइसम्म जुनसुकै स्थानमा समेत चरीबाघ पाइने काफ्लेको भनाइ छ। उनले भने, “वनजंगलमा आगलागी हुनु र लकडाउनका कारण सब स्थानमा सुनसान भएपछि जनावर गाउँ छिर्न थालेका हुन्।”</p>
<p>यसले मान्छेलाई आक्रमण नगरे पनि सानासाना पाठा, कुखुरालगायत खाने बताइएको छ। <em>रासस</em></p>
प्रतिक्रिया दिनुहोस्
.jpg)
