चिनियाँ दम्पतीले छोरालाई रातारात बनाए अर्बपति
<p>हङकङ। एक चिनियाँ दम्पतीले आफ्ना २४ वर्षे छोरालाई रातारात अर्बपति बनाएको छ।</p>
<p>हङकङमा प्रधान कार्यालय रहेको सिनो बायोफर्मास्युटिकलका मालिक से पिङ र उनकी पत्‍नी चङ लिङ चेङले छोरा एरिक सेलाई अर्बपति बनाएका हुन्। </p>
<p>एरिकलाई उनका मातापिताले तीन खर्ब ८० अर्ब डलरको मालिक बनाएका छन्। उक्त सम्पत्ति से दम्पतीले उपहारका रूपमा छोरालाई दिएका हुन्।</p>
<p>कम्पनीको सेयरमध्ये करिब पाँचौं हिस्सा से दम्पतीले छोरालाई हस्तान्तरण गरेका छन्। त्यसबाट एरिक रातारात विश्वका धनी व्यक्तिमध्येमा परेका छन्।</p>
<p>अमेरिकाको सियाटलमा जन्मेका एरिकले प्राथमिक शिक्षा बेइजिङमा लिएका थिए। माध्यमिक तह हङकङमा लिए। अमेरिकाको युनिभर्सिटी अफ पेन्सिलभेनियाबाट व्यवस्थापनमा स्‍नातक गरेका छन्।</p>
<p>उनले चाइना समिट फाउन्डेसन नामक परोपकारी संस्था स्थापना गरेका छन्।</p>
प्रतिक्रिया दिनुहोस्
.jpg)
