काठमाडौं परिसरमा ज्ञवाली, अपराध महाशाखामा थापा
<p style="text-align:justify">काठमाडौं। गृहमन्त्रालयले महानगरीय प्रहरी परिसर काठमाडौं र अपराध महाशाखामा दुईजना प्रहरी वरिष्ठ उपरीक्षक (एसएसपी)को सरुवा गरेको छ।</p>
<p style="text-align:justify">परिसर प्रमुखमा एसएसपी श्याम ज्ञवालीको सरुवा गरिएको छ भने महानगरी अपराध महाशाखामा एसएसपी दीपक थापाको सरुवा भएको छ।</p>
<p style="text-align:justify">गृहमन्त्रालयले दुवैजनाको सरुवा गरिएको पत्र प्रहरी प्रधान कार्यालयलाई पठाइसकेको छ।</p>
<p style="text-align:justify">परिसरमा रहेका एसएसपी उत्तमराज सुवेदी र अपराध महाशाखाका एसएसपी सहकुल थापा डीआईजी बढुवा भएपछि दुवै स्थानमा नेतृत्व रिक्त रहेको थियो।</p>
<p style="text-align:justify">ज्ञवाली हाल महानगरीय प्रहरी कार्यालय रानीपोखरीमा कार्यरत थिए भने थापा प्रहरी प्रधान कार्यालयको आर्थिक प्रशासन शाखामा कार्यरत थिए।</p>
<p style="text-align:justify">दुवै जना व्यावसायिक प्रहरी अधिकृतका रूपमा चिनिन्छन्। दुवै जना एकै ब्याचका हुन्।</p>
<p style="text-align:justify">महानगरीय प्रहरी परिसर काठमाडौं र अपराध महाशाखालाई प्रहरीका महत्वपूर्ण ठाउँका रूपमा लिने गरिन्छ।</p>
<p style="text-align:justify">दुवैजना प्रहरी अधिकृतहरूले यसअघि जिल्लाका विभिन्न कमान्ड सम्हालिसकेका छन्।</p>
.jpg)
