डडेल्धुराको महाभारत क्षेत्रमा दोस्रो चरणको क्यामरा ट्रयापिङ
<p>डडेल्धुरा। डडेल्धुराको महाभारत क्षेत्रको भागेश्वर करिडोरमा दोस्रो चरणको क्यामरा ट्रयापिङ शुरू भएको छ।</p>
<p>पाटेबाघलगायत अन्य वन्यजन्तुको उपस्थिति अध्ययनका लागि आजबाट शुरू भएको क्यामरा ट्रयापिङ एक महीनासम्म चल्नेछ।</p>
<p>पहिलो चरणको क्यामरा ट्रयापिङमा नेपालमा पहिलाेपटक २५०० मिटर उचाइमा पाटेबाघ फेला परेपछि तराई तथा भू–परिधि कार्यक्रम, विश्व वन्यजन्तु कोष र डिभिजन वन कार्यालय डडेल्धुराको संयुक्त आयोजनामा दोस्रो चरणको अध्ययन शुरू भएको हो।</p>
<p>यसपटकको अध्ययन पर्शुरामधाम सवडिभिजनअन्तर्गत पर्ने वनक्षेत्र (महाकाली नदी किनारासम्म र साविक शीर्ष गाविस) र भागेश्वर सवडिभिजनअन्तर्गतको रुपाल क्षेत्रसम्म गरिनेछ।</p>
<p>यसका लागि ३० जोडी क्यामरा जडान गरिने डिभिजन वन कार्यालय डडेल्धुराका प्रमुख विष्णुप्रसाद आचार्यले जानकारी दिए।</p>
<p>उनका अनुसार क्यामरा ट्रयापिङमा वन कार्यालयको तर्फबाट पाँचजना सहयोगी र तराई तथा भू–परिधि कार्यक्रमका तर्फबाट पाँचजना प्राविधिक खटाइएको छ।</p>
<div style="left:-99999px; position:absolute">d more at: <a href="https://thahakhabar.com/news/95715">https://thahakhabar.com/news/95715</a></div>
प्रतिक्रिया दिनुहोस्
.jpg)
