कैलालीमा बोर्डिङ स्कूलका प्रिन्सिपल मृत फेला
<p>कैलाली। गौरीगंगा नगरपालिका-९ मसुरियास्थित बिहानी क्षितिज बोर्डिङ स्कूलका प्रिन्सिपल कृष्ण भुषाल मृत फेला परेका छन।</p>
<p>सोही ठाउँ बस्ने ४० वर्षीय भुषाल पुर्व-पश्चिम राजमार्गको पहलवानपुर बजारबाट एक किलोमिटर पश्चिम मृत भेटिएका हुन्।</p>
<p>जिल्ला प्रहरी कार्यालय कैलालीका डीएसपी दक्षकुमार बस्नेतले गएराति साढे १० बजे उनको शव राजमार्गको किनारमा फेला परेको बताए। </p>
<p>मृतकको आँखा, मुख र घुडामा चोटपटक देखिएको बताउँदै बस्नेतले इलाका प्रहरी कार्यालय मालाखेतीका प्रहरी नायव उपरीक्षक ज्ञानवहादुर विष्टको टोली पुगेर घटनास्थलमा अनुसन्धान थालेको जानकारी दिएका छन्।</p>
<p>हिजो, ११ वैशाख साँझ एकजना साथीले बोलाएपछी उनी मसुरियाबाट ८ किलोमीटर पूर्वतर्फ रहेको पहलवानपुर बजारतर्फ गएका थिए।</p>
<p>पहलवानपुरको एक होटेलमा साथीसँगै मदिरा सेवन गरेर राति साढे ८ बजेतिर जंगलको बाटो हुँदै साइकलमा घर फर्कदै गर्दा उक्त घटना भएको प्रहरीले जानकारी दिएको छ।</p>
<p>प्रहरीले अनुसन्धानका लागि साथीसहित होटल संचालकलाई नियन्त्रणमा लिएको छ।</p>
<p>भुषाल <span class="st">राष्ट्रिय निजी तथा आवासीय विद्यालय एसोसिएसन नेपाल (एन प्याब्सन)</span> को केन्द्रीय उपाध्यक्षसमेत भइसकेका व्यक्ति हुन्।</p>
प्रतिक्रिया दिनुहोस्
.jpg)
