पूर्वसचिव भीम उपाध्याय ललितपुरबाट पक्राउ
<p>काठमाडौं। पूर्वसचिव भीम उपाध्यायलाई प्रहरीले पक्राउ गरेको छ।</p>
<p>आज राति करीब सवा ९ बजेको समयमा उपाध्यायलाई ललितपुरको कुसन्तीस्थित उनकै घरबाट प्रहरीले पक्राउ गरेको हो। प्रहरी स्रोतका अनुसार उनलाई प्रहरीको केन्द्रीय साइबर ब्यूरोले नियन्त्रणमा लिएको हो।</p>
<p>महानगरीय प्रहरी परिसर ललितपुरका प्रमुख, एसएसपी टेकप्रसाद राईले पनि पूर्वसचिव उपाध्याय ललितपुर क्षेत्रबाट पक्राउ परेको <em><strong>देखापढी</strong></em>लाई जानकारी दिए।</p>
<p>उपाध्यायलाई साइबर ब्यूरोले पक्राउ गरेकाले उनीविरुद्ध कुनै साइबर अपराध अन्तर्गत् उजुरी परेको हुन सक्ने बुझिएको छ।</p>
<p>तर, प्रहरीले अहिलेसम्म उनलाई कुन आरोपमा पक्राउ गरेको भन्ने खुलिसकेको छैन।</p>
प्रतिक्रिया दिनुहोस्
.jpg)
