बिरालाेकाे बच्चा भनेर चरिबाघ पालेपछि...
<p>स्याङ्जा। वालिङमा लोपोन्मुख चरीबाघको बच्चा भेटिएको छ।</p>
<p>डिभिजन वन कार्यालय स्याङ्जाका प्रमुख कोमलराज काफ्लेले चरीबाघको बच्चा कार्यालयको संरक्षणमा राखिएको जानकारी दिए।</p>
<p>६ दिन पहिले स्थानीय बालबालिकाले वालिङ-१ स्थित जंगलमा चरिबाघकाे बच्चा फेला पारेका थिए। उनीहरूले त्यसलाई बिरोलाको बच्चा भनेर घरमा ल्याएर पालेका थिए।</p>
<p>केही दिनपछि त्यसले बिरालो नभई बाघको जस्तो व्यवहार देखाउन थालेपछि स्थानीयवासीले गण्डकी प्रदेश सभा सदस्य एवं विधायन सभा समितिका सभापति मोहनप्रसाद रेग्मीलाई सम्पर्क गरेर वन कार्यालयमा बुझाइदिन आग्रह गरेका थिए।</p>
<p>प्रमुख काफ्लेले भने, “अहिले साह्रै सानो छ, सानोमै जंगलमा छाड्दा अन्य जनावरले खाने डर भएकोले अलि ठूलो भएपछि सम्बन्धित ठाउँमा लगेर छाड्छौँ।”</p>
<p>लोपोन्मुख संरक्षित वन्यजन्तुका रूपमा रहेको चरीबाघको बच्चालाई वालिङ नगरपालिका-१ मा बालबालिकाले खेल्ने क्रममा फेला पारेका थिए। </p>
<p>डिभिजन वन कार्यालयले कास्की डिभिजन वन कार्यालयसँग समन्वय गरेर कास्की, पचभैवामा रहेको जनावर उद्धार केन्द्रमा छाड्ने तयारी भइरहेको जनाएको छ। <em>रासस</em></p>
प्रतिक्रिया दिनुहोस्
.jpg)
