लकडाउनमा अलपत्र परेका यात्रु बोकेको मिनिबस दुर्घटनामा १८ जना घाइते
<p>रामेछाप। रामेछाप मन्थली नगरपालिका-६ कुनौरीस्थित सडकमा मिनिबस दुर्घटना हुँदा १८ जना घाइते भएका छन्।</p>
<p>लकडाउनका कारण अलपत्र परेका यात्रु बोकेर काठमाडौंबाट दोलखातर्फ गइरहेको बा.२ ख ६८१८ नम्बरको मिनी बस ब्रेक फेल भई आज बिहान दुर्घटना भएको हो।</p>
<p>बसमा सवारमध्ये १८ जना घाइते भएको जिल्ला प्रहरी कार्यालय रामेछापले जनाएको छ।</p>
<p>घाइतेहरुको तामाकोसी अस्पताल मन्थलीमा उपचार भइरहेको छ।</p>
<p>बस र चालकलाई प्रहरीले नियन्त्रणमा लिई यस सम्बन्धमा अनुसन्धान गरिरहेको छ।</p>
प्रतिक्रिया दिनुहोस्
.jpg)
