अध्यादेशबारे आफ्ना सांसदहरूलाई प्रष्ट्याउँदै नेकपाका अध्यक्षद्बय
<p>काठमाडौं। सरकारले ८ बैशाखमा ल्याएको राजनीतिक दलसम्बन्धी अध्यादेशबारे सत्तारुढ दल नेकपाले संघीय संसदमा प्रतिनिधित्व गर्ने आफ्ना सांसदहरुसँग छलफल थालेको छ।</p>
<p>प्रधानमन्त्री एवं पार्टी अध्यक्ष केपी शर्मा ओली र अर्का अध्यक्ष पुष्पकमल दाहालले संघीय संसदमा प्रतिनिधित्व गर्ने सांसदहरुसँग समूहगत छलफल आजदेखि थालेका हुन्।</p>
<p>सरकारले ल्याएको संवैधानिक परिषद्सम्बन्धी अर्को अध्यादेश, पार्टी स्थापना दिवस, पार्टीका आगामी कार्यभार एवं कोरोना विरुद्धका अभियानका विषयमा पनि सांसदहरुसँग छलफल हुनेछ।</p>
<p>अहिले प्रधानमन्त्री निवास बालुवाटारबाट अध्यक्षद्बय ओली र दाहालले सुदूरपश्चिम प्रदेशबाट संघीय संसदमा प्रतिनिधित्व गर्ने सांसदहरुसँग छलफल गरिरहेका छन्। प्रधानमन्त्री ओलीले छलफलमा सांसदहरुलाई अध्यादेशका बारेमा ब्रिफिङ गर्नेछन्। </p>
<p style="text-align:center"><img alt="" height="992" src="https://www.dekhapadhi.com/storage/photos/shares/Politics/pm ra kp.jpg" width="1000" /></p>
<p>राष्ट्रपतिबाट जारी भइसकेका दुईवटै अध्यादेश प्रतिनिधिसभा र राष्ट्रिय सभा दुवैबाट पास हुनुपर्छ। त्यसैको तयारी स्वरुप प्रधानमन्त्री एवं पार्टी अध्यक्ष ओली र अर्का अध्यक्ष दाहालले छलफल अघि बढाएका हुन्। समूहगत छलफल अन्तर्गत आज र भोलीसम्म सबै प्रदेशका सांसदहरुसँग छलफल गर्ने कार्यक्रम रहेको प्रधानमन्त्रीको सचिवालयले जनाएको छ ।</p>
प्रतिक्रिया दिनुहोस्
.jpg)
