धादिङको थाक्रेमा चट्याङबाट दुईको मृत्यु सातजना घाइते
<p>धादिङ। दक्षिणी धादिङको थाक्रे गाउँपालिका-३ बालुवाखर्कमा गएराति परेको चट्याङका कारण दुईजनाको मृत्यु भएको छ भने सातजना घाइते भएका छन्।</p>
<p>चट्याङ लागेर मृत्यु हुनेमा २४ वर्षीय सागर अर्याल र ५० वर्षीया सानुमान तामाङ छन्।</p>
<p>घरमा चट्याङ लागेपछि गम्भीर घाइते भएका तीन जनालाई काठमाडौंतर्फ अस्पताल लाँदै गर्दा बाटोमा मृत्यु भएको जिल्ला प्रहरी कार्यालयका सूचना अधिकारी डीएसपी रुपक खड्काले बताए।</p>
<p>गम्भीर घाइते अर्का एकजनाको काठमाडौंस्थित ट्रमा सेन्टरमा उपचार भइरहेको छ ।</p>
<p>गाउँमा रहेको बिजुलीको ट्रान्सफर्मरमा चट्याङ परेपछि लेक मल्डुङ र बेँसीमल्डुङ तथा बालुवाखर्कको सबैको घरमा विद्युत्को हाइभोल्टेज आएको थियो।</p>
<p>घरमा जता छोए पनि करेन्ट लाग्ने भएपछि मोबाइल चार्जबाट झिक्न लाग्दा र बत्ती निभाउन खोज्दा करेन्ट लागेको वडाअध्यक्ष अमित घलेले बताए।</p>
<p>घाइते भएका चार महिला र दुई पुरुषको भुमेस्थानस्थित स्वास्थ्य चौकीमा उपचार भइरहेको छ।</p>
<p>घटनास्थल पृथ्वीराजमार्गको महादेवबेँसीबाट चार घण्टाको दूरीमा दक्षिणतर्फ पर्छ। <em>रासस</em></p>
प्रतिक्रिया दिनुहोस्
.jpg)
