तीन महीनापछि आफ्नो शहर वुहान फर्किँदा भावुक बन्यो चिनियाँ सुपर लिग टीम
<p>काठमाडौं। चिनियाँ सुपर लिग टीम वुहान जल तीन महीनापछि घर फर्किँदा भावुक बनेको छ।</p>
<p>कोरोना भाइरस संक्रमणको जोखिमका कारण वुहान जल आफ्नो शहर फर्किन पाएको थिएन।</p>
<p>जनवरीमा वुहानमा कोरोना भाइरस संक्रमणको जोखिम उच्च हुँदा खेलाडीहरू स्पेनमा ‘विन्टर ट्रेनिङ क्याम्प’ बसेका थिए।</p>
<p>त्यसपछि लामो समय जर्मनीमा बसेपछि १६ मार्चमा सेन्जेन फर्किएका थिए। सेन्जेनमा उनीहरू तीन साता क्वारेन्टाइनमा बसेका थिए।</p>
<p>दुई दिनअघि, ६ वैशाख साँझ रेलमा फर्किएको टीमलाई समर्थकले न्यानो स्वागत गरेका छन्।</p>
<p>‘‘तीन महीना लामो समयको पर्खाईपछि घर फर्किन आतुर वुहान जलका खेलाडीले आफ्नो शहरमा पाइला टेकेका छन्,’’ क्लबले सामाजिक सञ्जालमा विइबोमा लेखेको छ।</p>
<p><img alt="" height="598" src="https://www.dekhapadhi.com/storage/photos/shares/Sports/wuhan jan team.jpg" width="960" /></p>
<p>१०४ दिनपछि घर फर्किएको टीमलाई स्वागत गर्न समर्थकहरू सुन्तला रंगको क्लबको जर्सीमा उपस्थित भएका थिए।</p>
<p>उनीहरूले खेलाडीलाई पुष्प गुच्छासहित गीत गाउँदै स्वागत गरे। क्लबको ट्रेनिङ शुरू नहुँदासम्म अब खेलाडीले परिवारसँग समय विताउन पाउँनेछन्। वुहान जलले जनवरीको शुरूमै सुपर लिगको तयारीका लागि शहर छाडेको थियो।</p>
<p>उनीहरू स्पेनको मालागा पुग्दासम्म वुहान शहर लकडाउन भइसकेको थियो। त्यतिबेलासम्म शहरबाहिर आवतजावत बन्द भइसकेको थियो।</p>
<p>त्यतिबेला प्रशिक्षक जोजे गोन्जालेजले स्पेनको संचारमाध्यमलाई खेलाडीहरू ‘भाइरस बोकेर नहिनेको र उनीहरूलाई प्रेतजस्तो व्यवहार नगर्न' आग्रह गरेका थिए।</p>
<p>चीनिया सुपर लिग २२ फेब्रुअरीबाट शुरू हुने तय भएको थियो। तर, अहिले स्थगित भएको छ।</p>
<p><img alt="" height="540" src="https://www.dekhapadhi.com/storage/photos/shares/Sports/wuhan jal team 1.jpg" width="960" /></p>
प्रतिक्रिया दिनुहोस्
.jpg)
