लकडाउनको मौकामा चित्तल मार्ने नौ जना चितवनमा पक्राउ
<p>चितवन। चितवन राष्ट्रिय निकुञ्जमा ‘लकडाउन’को मौका छोपेर चित्तल मारेको अभियोगमा नौ जना पक्राउ परेका छन्। </p>
<p>चित्तल मारेर खाँदै गरेको अवस्थामा उनीहरूलाई पक्राउ गरिएको निकुञ्जले जनाएको छ। </p>
<p>निकुञ्जका सहायक संरक्षण अधिकृत प्रकाश उपाध्यायका अनुसार गएको ३० चैतमा चित्तलको सुकुटी खाँदै गरेको सूचनाका आधारमा निकुञ्जको संयुक्त गस्ती टोलीले उनीहरूलाई पक्राउ गरेको हो। </p>
<p>पक्राउ परेकाको अनुसन्धान भई मुद्दा प्रक्रियामा रहेकाले विस्तृत विवरण खुलाउन नमिल्ने उपाध्यायले जानकारी दिए। </p>
<p>प्रारम्भिक जानकारीअनुसार चित्तल मारेर सुकुटी बनाएर खाँदै गरेको अवस्थामा निकुञ्जको टोलीले पक्राउ गरेको हो। <em>रासस</em></p>
प्रतिक्रिया दिनुहोस्
.jpg)
