रानीपोखरी तानिए महाराजगञ्ज वृत्तका डीएसपी लम्साल
<p>काठमाडौं। त्रिवि शिक्षण अस्पताल महाराजगञ्‍‍जका तीनजना चिकित्सकमाथि हातपात र लाठी प्रहार भएको घटनापछि महानगरीय प्रहरी वृत्त महाराजगञ्‍जका डीएसपी उमेश लम्साल महानगरीय प्रहरी कार्यालय, रानीपोखरी तानिएका छन्।</p>
<p>महानगरीय प्रहरी कार्यालयका प्रवक्ता एसएसपी श्याम ज्ञवालीले घटनाको छानविनका लागि डीएसपी लम्साललाई महानगरीय कार्यालयमा तानिएको जानकारी दिए।</p>
<p>महाराजगञ्‍ज वृत्तमा अर्का डीएसपी पठाउने तयारी भइरहेको छ। तर व्यक्तिको टुंगो लागेको छैन। </p>
<p>महानगरीय प्रहरी कार्यालयले एसएसपी किरण बज्राचार्यको नेतृत्वमा तीन सदस्यीय छानविन समिति बनाएको छ। समितिमा अपराध महाशाखाका एसपी मुकेश सिंह र काठमाडौं प्रहरी परिसरका डीएसपी होविन्द्र बोगटी सदस्य छन्। समितिले सम्बन्धित पक्षसँग आवश्यक सोधपुछ अगाडि बढाइएको जनाएको छ। </p>
<p>अस्पतालबाट ड्युटी सकेर हिजो साँझ घरतर्फ जाने क्रममा कान्ति बाल अस्पतालको पछाडि भ्यानमा आएको प्रहरी टोलीले हातपात र लाठीचार्ज गरेको चिकित्सकहरूको आरोप छ।</p>
प्रतिक्रिया दिनुहोस्
.jpg)
