चितवन राष्ट्रिय निकुञ्जमा जमेको पानीभित्र गैँडा मृत भेटियो
<p>चितवन। चितवनमा फेरि एउटा गैँडा मृत भेटिएको छ।</p>
<p>चितवन राष्ट्रिय निकुञ्जअन्तर्गत सुखीभार क्षेत्रको कोर इलाका चिसापानीमा जमेको पानीभित्र गैँडा मृत फेला परेको हो।</p>
<p>उक्त भाले गैँडाको खाग र खुर भने सुरक्षित रहेको छ। हिजो, ३ वैशाख दिउँसो गैँडा मृत अवस्थामा भेटिएको निकुञ्जका सहायक संरक्षण अधिकृत प्रकाश उप्रेतीले बताए।</p>
<p>उनले भने, “बुढो अवस्थाको गैँडा घोलमा डुबेको रहेछ, उद्धार गर्न पुग्दा मृत्यु भइसकेको रहेछ ।”</p>
<p>धेरैजसो गैँडा निकुञ्जको सुखीभार क्षेत्रमै छन् ।</p>
<p>चितवन राष्ट्रिय निकुञ्जमा गत साउनदेखि अहिलेसम्म २४ गैँडाको मृत्यु भएको छ। <em>रासस</em></p>
प्रतिक्रिया दिनुहोस्
.jpg)
