दार्चुला र मकवानपुरमा चट्याङ लागेर दुईको मृत्यु, पाँचजना घाइते
<p>दार्चुला। चट्याङ लागेर शैल्यशिखर नगरपालिका-६ तिखाधारका ७ वर्षीया लक्ष्मी खातीको गएराति मृत्यु भएको छ।</p>
<p>घरभित्रै बसिरहेकी ती बालिकाको चट्याङ लागेर घटनास्थलमै मृत्यु भएको जिल्ला प्रहरी कार्यालय दार्चुलाका प्रहरी निरीक्षक सुरेन्द्रप्रसाद जोशीले बताए।</p>
<p>चट्याङबाट सीता खाती र उनको छोरा राजेन्द्र खाती सामान्य घाइते भएका छन्।</p>
<p>त्यसैगरी मकवानपुरको राक्सिराङ गाउँपालिका–७ धिराङमा आज बिहान परेको चट्याङले एकजनाको मृत्यु भएको इलाका प्रहरी कार्यालय मनहरीले जनाएको छ।</p>
<p>मृत्यु हुने राक्सिराङ गाउँपालिका–७ धिराङ निवासी ४१ वर्षीय चैत्र प्रजा छन्।</p>
<p>प्रहरीका अनुसार सोही वडामा चट्याङ परी तीनजना घाइते भएको सूचना आएपछि प्रहरी त्यसतर्फ पठाइएको छ। <em>रासस</em></p>
<p> </p>
प्रतिक्रिया दिनुहोस्
.jpg)
