डोटीमा कार दुर्घटना हुँदा ६ जना घाइते
<p>कैलाली । डडेल्धुराबाट धनगढी आउँदै गरेको कार भीमदत्त राजमार्गअन्तर्गत डोटीको जोरायल गाउँपालिका-१ घोरडी घण्टेश्वरको मोडमा दुर्घटनामा परेको छ । </p>
<p>बुधबार बिहान पौने १० बजेतिर से१ज २३८८ नम्बरको कार दुर्घटना हुँदा त्यसमा सवार ६ जना घाइते भएका छन् ।</p>
<p>जिल्ला प्रहरी कार्यालय डोटीका प्रवक्ता कर्णबहादुर बोहराका अनुसार जिल्ला प्रशासन कार्यालय डडेल्धुराबाट सवारी पास लिएर उनीहरू धनगढीतिर आउँदै थिए ।</p>
<p>दुर्घटनामा परी घाइते हुनेमा अमरगढी नगरपालिका ५ डडेल्धुराका चालक मानबहादुर थापा, सोही ठाउँकी एलिजा थापा (११), आर्यन थापा (६), मन्धरी थापा(३५), रामचन्द्र भण्डारी (४६) र रतन भण्डारी (२७) छन् । चालक र रामचन्द्रबाहेक अन्यको अवस्था गम्भीर रहेको उनले बताए ।</p>
<p>कारमा सवार चालकको परिवार र अन्य २ जना आफन्त रहेको बोहराले जानकारी दिए। घाइते सबैको उद्दार गरी प्रहरीले उपचारका लागि धनगढी पठाएको छ ।</p>
प्रतिक्रिया दिनुहोस्
.jpg)
