तनहुँको बन्दीपुरमा पासोमा पर्यो चितुवा
<p>तनहुँ। बन्दीपुर गाउँपालिका-४ स्थित लोहीपाखामा थापेको पासोमा आज बिहान एक चितुवा परेको छ।</p>
<p>चितुवाले आक्रमण गरेर बालबालिकाको ज्यान लिने क्रम बढेसँगै डिभिजन वन कार्यालयले काठको खोरमा पासो थापेको थियो।</p>
<p>खोरमा परेको यो आठौँ चितुवा रहेको वन कार्यालयका प्रमुख केदार बरालले बताए।</p>
<p>सोही क्षेत्रमा गत १३ माघमा चितुवाको आक्रमणबाट ११ वर्षीय इशाक विश्वकर्माको मृत्यु भएको थियो।</p>
<p>चितुवाको आक्रमणबाट तनहुँमा दुई वर्षको अवधिमा नौ बालबालिकाको मृत्यु भएको छ।</p>
<p>सातजना घाइते भएको डिभिजन वन कार्यालयका सहायक वन डिभिजन अधिकृत बाबुराम उप्रेतीले जानकारी दिए।</p>
<p>वन कार्यालय र सामुदायिक वनको संयुक्त प्रयासमा जिल्लाका १६ स्थानमा १६ वटा पासो थापिएको छ। <em>रासस</em></p>
प्रतिक्रिया दिनुहोस्
.jpg)
