बलात्कार आरोपमा चार पक्राउ
<p>कैलाली । युवतीलाई बलात्कार गरेको आरोपमा प्रहरीले मंगलबार बिहान चारजनालाई पक्राउ गरेको छ ।</p>
<p>गौरीगंगा नगरपालिका ४ का नरेश नेपाली (२०), अर्जुन सावद (२१), निर्मल चौधरी (२०) र नरेश भट्ट (२४)लाई बलात्कारको आरोपमा पक्राउ गरिएको जिल्ला प्रहरी कार्यालयका डीएसपी दक्षकुमार बस्‍नेतले जानकारी दिए ।</p>
<p>गौरीगंगा नगरपालिकामा आफन्तलाई भेटेर फर्कदै गरेकी युवतीलाई हिजो राति १२:३० बजेतिर सोही नगरपालिकाको खुरखुरिया नजिकैबाट नियन्त्रणमा लिई बलात्कार गरेको आरोपमा उनीहरू पक्राउ परेको उनले बताए ।</p>
<p>चारजना युवकले ती युवतीसँग रहेका तीनजनालाई कुटपिट गर्दै युवतीलाई बलात्कार गरेको उनले जानकारी दिए। तत्काल प्रहरीलाई खबर हुनासाथ इलाका प्रहरी कार्यालय मालाखेती अत्तरियाबाट डीएसपी ज्ञानबहादुर बिष्टको टोलीले चारै जनालाई पक्राउ गरेको उनले बताए ।</p>
<p>प्रहरीले उनीहरूबाट धारिलो हतियार र मोटरसाइकल समेत बरामद गरेको छ ।<br />
</p>
प्रतिक्रिया दिनुहोस्
.jpg)
