चिसो बढ्न थाल्यो, जुम्लाको तापक्रम ७ डिग्री सेल्सियस
<p style="text-align:justify">काठमाडौं । मुलुकभर चिसो बढ्न थालेको मौसम पूर्वानुमान महाशाखाले जनाएको छ । </p>
<p style="text-align:justify">समान्यतया मनसुन बाहिरिएसँगै देशभर चिसो बढ्नेक्रम शुरु हुन्छ । यो वर्षको मनसुन २५ असोजमा बाहिरिएको थियो । </p>
<p style="text-align:justify">यो वर्ष मनसुन औसतभन्दा १० दिन ढिलो भित्री औसतभन्दा १९ दिन ढिलो बाहिरिएको थियो । </p>
<p style="text-align:justify">सामान्यतया १० जुनमा मनसुन भित्रिएर २३ सेप्टेम्बरमा बाहिरिने गर्छ । </p>
<p style="text-align:justify">मनसुनी वायु बाहिरिएसँगै तापक्रम घट्दै जानेक्रम शुरु भएको मौसम पूर्वानुमान महाशाखाका मौसमविद् गङ्गा नगरकोटीले जानकारी दिए । </p>
<p style="text-align:justify">उनका अनुसार वायुमण्डलमा पश्चिमी वायुको प्रभावसँगै मुलुकमा जाडोयाम शुरु हुन्छ । </p>
<p style="text-align:justify">महाशाखाले भित्रि मधेशमा अबको केही दिन बिहानीको समयमा हुस्सु र कुहिरो लाग्ने अनुमान गरेको छ । </p>
<p style="text-align:justify">महाशाखाका अनुसार र आज काठमाडौं उपत्यकाको न्यूनतम तापक्रम १४ दशमलव ५ डिग्री र अधिकमत तापक्रम २७ दशमलव ३ डिग्री सेल्सियस छ । </p>
<p style="text-align:justify">आज सबैभन्दा कम जुम्लाको न्यूनतम तापक्रम ७ दशमलव ५ डिग्री सेल्सियस र सबैभन्दा बढी धनगढीको अधिकतम तापक्रम ३२ दशमलव ७ डिग्री सेल्सियस रहेको छ । <em>रासस</em><br />
</p>
.jpg)
