बुद्ध एअरको काउन्टर तोडफोड गर्ने सांसद साह पक्राउ
<p>काठमाडौं। २७ असोजमा जहाज समयमा नआएको भन्दै बुद्ध एयरको काउण्टर तोडफोड गरेका प्रतिनिधिसभा सदस्य प्रमोदकुमार साह पक्राउ परेका छन्।</p>
<p>आज दिउँसो ओखलढुंगा जान त्रिभुवन विमानस्थल पुगेका साहलाई महानगरीय अपराध अनुसन्धान महाशाखाको टोलीले विमानस्थलबाटै पक्राउ गरेको हो।</p>
<p>बुद्ध एयरको जनकपुर कार्यालयले साहलाई कारबाहीको माग गर्दै निवेदन दिएपछि नागरिक उड्डयन कार्यालय जनकपुरले जिल्ला प्रहरी कार्यालय धनुषामा उजुरी दिएको थियो।</p>
<p>साहमाथि गैरसैनिक हवाइ उडान ऐन अनुसार कारबाही हुने प्रहरीले जनाएको छ। </p>
<p>सांसद साह राजपाबाट सर्लाही क्षेत्र नम्बर १ मा प्रतिनिधिसभा सदस्यमा निर्वाचित हुन् ।</p>
प्रतिक्रिया दिनुहोस्
.jpg)
