प्युठानमा दुई बालबालिकाको मृत्यु
<p>काठमाडाैं। प्युठानमा एकै परिवारका दुई बालबालिकाको मृत्यु भएको छ।</p>
<p>सरुमारानी गाउँपालिका-१, बाङ्गेसाल रावल टोलमा आज अपराह्न घरमा मृतावस्थामा उनीहरू फेला परेको जिल्ला प्रहरी कार्यालय प्युठानका प्रहरी निरीक्षक पोषण ढकालले बताए।</p>
<p>मङ्गले धामीका दुई वर्षीय छोरा गौरव र पाँच वर्षीया छोरी सिर्जना एकसाथ घरमै रहस्यमयरूपमा मृतावस्थामा फेला परेको प्रहरीले जनाएको छ।</p>
<p>सर्पको डसाइ वा विष सेवनबाट घटना भएको हुन सक्ने स्थानीयवासीको भनाइ छ।</p>
<p>दुवै शव परीक्षणका लागि प्युठान अस्पताल लगिएको र घटनाबारे थप अनुसन्धान भइरहेको प्रहरीले जनाएकाे छ। <em>रासस</em></p>
प्रतिक्रिया दिनुहोस्
.jpg)
