नेपाली सेनाका प्रमुख सेनानीको शव लिन श्री एयरलायन्सको जहाज सुडान उड्यो
<p>काठमाडौं। सुडानमा हृदयघातका कारण मृत्यु भएका नेपाली सेनाका प्रमुख सेनानीको शव लिन श्री एयरलायन्सको जहाज सुडान प्रस्थान गरेको छ।</p>
<p>संयुक्त राष्‍ट्रसंघले जहाज चार्टर्ड गरेर पठाउन भनेपछि नेपाली सेनाले श्री एयरलायन्सको जहाज पठाएको हो।</p>
<p>“शव घरसम्म पुर्‍याउने सबै व्यवस्थापन यूएनले नै ब्यहोर्छ,” नेपाली सेनाका प्रवक्ता सहायक रथी विज्ञानदेव पाण्डेले भने, “त्यसैअनुसार यहाँबाट जहाज गएको हो।”</p>
<p>प्रमुख सेनानी रिदेश विष्टको शव डाफोरबाट राजधानी खार्तुम ल्याइएको छ। भोलि दिउँसोसम्म शव नेपाल आइपुग्‍नेछ।</p>
<p>१७ चैतमा हृदयघातका कारण उनको मृत्यु भएको थियो। नौ महिनादेखि सुडान मिसन मुख्यालयमा उनी स्टाफ अफिसरका रूपमा कार्यरत थिए।</p>
प्रतिक्रिया दिनुहोस्
.jpg)
