धरानको प्रयोगशालामा जाँच गरिएका ९० मध्ये ८५ जनाको रिपोर्ट नेगेटिभ, बाँकी परीक्षण हुँदै
<p>विराटनगर। प्रदेश १ मा बेड संख्यासंगै क्वारेन्टाइनमा बस्ने सर्वसाधारणको संख्या पनि थप भएको छ।</p>
<p>हिजो, २५ चैतसम्म यहाँ क्वारेन्टाइनको बेड संख्या चार हजार ११५ पुगेको छ।</p>
<p>मुख्यमन्त्री तथा मन्त्रिपरिषद् कार्यालय कोरोना सूचना डेस्कका अनुसार २४ चैतसम्म २५१ क्वारेन्टाइन स्थल रहेकोमा हिजो तीन वटा थप भई २५४ पुगेको छ।</p>
<p>क्वारेन्टाइनमा बस्नेको संख्या पनि थप भएको छ । सरकारले तोकेका केन्द्रहरुमा दुई हजार ८८५ जना क्वारेन्टाइनमा बसेका छन्।</p>
<p>हिजो दुईजना महिलासहित ४० जना क्वारेन्टाइनमा थप भएका हुन्।</p>
<p>यस प्रदेशमा ९० जनाको ‘थ्रोट स्वाब’ संकलन गरी परीक्षणका लागि बिपी कोइराला स्वास्थ्य विज्ञान प्रतिष्ठान धरानमा रहेको प्रयोगशाला पठाइएको छ।</p>
<p>तीमध्ये ८५ जनाको रिर्पोट नेगोटिभ आएको छ। बाँकीको परीक्षणकै क्रममा छ।</p>
प्रतिक्रिया दिनुहोस्
.jpg)
