स्वास्थ्य मन्त्रालयलाई १० थान पोर्टेबल भेन्टिलेटर हस्तान्तरण
<p>काठमाडौं। कोरोना भाइरस संक्रमण भएका बिरामीको उपचारको लागि साइमन्स इन्ष्टिच्युटले सरकारलाई १० थान पोर्टेबल भेन्टिलेटर उपलब्ध गराएको छ।</p>
<p>इन्ष्टिच्युटका कार्यकारी निर्देशक डा. अनिलबहादुर श्रेष्ठले स्वास्थ्य तथा जनसंख्यामन्त्री भानुभक्त ढकाललाई आज मन्त्रालयमा १० थान भेन्टिलेटर उपलब्ध गराएका हुन्।</p>
<p>यसअघि पनि इन्ष्टिच्युटले स्वास्थ्य सेवा विभागसँगको समन्वयमा ४७ वटा अस्पतालहरूमा १ हजार थान पीपीइ सेट उपलब्ध गराएको थयो।</p>
<p>पोर्टेबल भेन्टिलेटर बुझ्दै मन्त्री ढकालले संकटका बेला सहयोग गरिएका स्वास्थ्य सामग्रीहरूको महत्व अझ धेरै हुने भन्दै आभार जनाए।</p>
<p>आज प्राप्त भेन्टिलेटरहरूमध्ये दुई थान सूदुरपश्चिम प्रदेशमा, दुई थान गण्डकी प्रदेश, दुई थान बुटवलमा पठाउने र चार थान काठमाडौंमा जगेडामा राखिने मन्त्री ढकालले बताए।</p>
<p>श्वासप्रश्वाससम्बन्धी समस्या भएका बिरामीलाई सास फेर्न सहज बनाउने भएकाले भेन्टिलेटरलाई महत्वपूर्ण उपकरणको रूपमा लिइन्छ।</p>
प्रतिक्रिया दिनुहोस्
.jpg)
