कोभिड-१९ परीक्षणका लागि नमूना संकलन गर्न हेलिकप्टरमा अछाम पुग्यो प्राविधिक टोली
<p>कैलाली। कोभिड-१९ परीक्षणको लागि नमूना संकलन गर्न प्राविधिक टोली काठमाडौंबाट अछाम पुगेको छ।</p>
<p>नेपाली सेनाको हेलिकप्टरबाट आज बिहान साढे दश बजेतिर टोली अछामको बयालपाटा अस्पताल पुगेको हो।</p>
<p>अछामका अन्य तीन स्थानमा थ्रोट स्वाब संकलन गर्ने प्राविधिकहरू सामग्रीसहित हेलिकप्टरबाट आउने अछामका प्रमुख जिल्ला अधिकारी पुण्यविक्रम पौडेलले बताए।</p>
<p>उनका अनुसार वयलपाटा अस्पताल, मंगलसेन नगरपालिका, चौरपाटी, वान्नीगढी जयगढ, मेल्लेख र रामारोशन गाउँपालिकाका क्वारेन्टाइनमा रहेका व्यक्तिहरुको परीक्षणको लागि थ्रोट स्वाबको नमूना संकलनको तयारी छ।</p>
<p>अछाम सदरमुकाम मंगलसेनको क्वारेन्टाइनमा रहेका ५३ व्यक्तिको थ्रोट स्वाब संकलन गरिनेछ।</p>
<p>त्यस्तै कमलबजार, पन्चदेवल विनायक, तुर्माखाँद र ढकारी गाउँपालिकाबाट पनि नमूना संकलन गरी केन्द्रीय प्रयोशाला काठमाडौं पठाईने छ।</p>
<p>अहिले मंगलसेन र चार गाउँपालिकासमेतको कूल २०० जनाको नमूना परीक्षण गरिने भएको छ।</p>
प्रतिक्रिया दिनुहोस्
.jpg)
