रेडक्रसले दियो सात वटा भेन्टिलेटरसहित स्वास्थ्य सामग्री
<p>काठमाडौं। नेपाल रेडक्रम सोसाइटीले स्वास्थ्य तथा जनसंख्या मन्त्रालयलाई सात थान भेन्टिलेटर दिएको छ। सोसाइटीकी कार्यवाहक अध्यक्ष शर्मिला कार्कीले स्वास्थ्यमन्त्री भानुभक्त ढकाललाई भेन्टिलेटर हस्तान्तरण गरिन्।</p>
<p>कोरोना संक्रमितलाई उपचारका लागि आवश्यक पर्ने भेन्टिलेटर हस्तान्तरण गरेकोमा मन्त्री ढकालले रेडक्रमसलाई धन्यवाद दिए।<br />
<br />
कोका-कोला र नेपाल रेडक्रस सोसाइटीको साझेदारी अन्तर्गत कोभिड-१९ को महामारीमा अग्रपंक्तिमा खटिने स्वास्थ्यकर्मी, बिरामी र स्वयंसेवकहरूको सुरक्षा अभिवृद्धिका लागि विभिन्न अस्पताल र स्वयंसेवकहरूलाई सुरक्षा सामग्री र उपकरण हस्तान्तरणको दोस्रो अभियानअन्तर्गत उक्त सहयोग गरिएको रेडक्रसले जनाएको छ।<br />
<br />
नेपाल सरकारलाई विभिन्न अस्पतालमा प्रयोग गर्न हस्तान्तरण गरिने सामग्रीहरूका लागि एक अर्ब चार करोड रूपैयाँ खर्च गरिने रेडक्रसले जनाएको छ। यस साझेदारीअन्तर्गत देशका सातवटै प्रदेशका प्रमुख अस्पतालहरूमा एक-एक वटा भेन्टिलेटर तथा कार्यरत स्वास्थ्यकर्मी र स्वयंसेवकहरूका लागि व्यक्तिगत सुरक्षा सामग्री हस्तान्तरण गरिने रेडक्रसले जनाएको छ।</p>
<p>यो दोस्रो चरणको सामग्री वितरण अभियानअन्तर्गत उपलब्ध गराइएका सामग्रीहरू मन्त्री ढकालले शुक्रराज ट्रपिकल तथा सरूवा रोग अस्पताल टेकुलाई हस्तान्तरण गरे। <br />
आज हस्तान्तरण गरिएका सामग्रीमा १०० थान सुरक्षा चश्मा, १२० बाकस सर्जिकल मास्क, १५० थान सुरक्षा पोसाक, ५० बाकस पञ्जा, केएन ९५ मास्क २०० वटा छन्। </p>
<p style="text-align: justify;">त्यसैगरी आगामी दुई हप्ताभित्र सात प्रदेशका तोकिएका अस्पतालहरूमा भेन्टिलेटर एक-एक थानसहित ४८ हजार थान सर्जिकल मास्क, केएन ९५ माक्स एक हजार ६०० थान, ५५० थान शुरक्षा पोसाक, सुरक्षा चश्मा ४०० वटा र १० हजार जोडी पञ्जा हस्तान्तरण गरिने रेडक्रसले जनाएको छ। </p>
प्रतिक्रिया दिनुहोस्
.jpg)
