आज काग तिहार, कागकाे पूजा गरिँदै
<p>काठमाडौं। आज काग तिहार, कागकाे पूजा गरेर मनाइँदैछ।</p>
<p>धार्मिक मान्यता अनुसार कागलाई यमराजको सन्देशवाहकको रुपमा लिई पूजा गरेर चोखो खानेकुरा दिने गरिन्छ।</p>
<p>कागले सबैलाई समान दृष्टिले हेर्छ भने यसले अन्नबालीमा लाग्ने कीरा-फट्याङग्राहरू खाइदिन्छ। </p>
<p>काग अर्थात् सन्देश प्रवाहक प्राणी, काग करायो भने केही सन्देश या पाहुना आउने जनाउका रूपमा नेपाली समाजमा लिने चलन अझै छ।</p>
<p>यमराजसमक्ष राम्रो खबर लगिदियोस् भनेर आजका दिन कागलाई मीठो खान दिई खुसी पार्ने गरिएको धार्मिक विश्ववास रहेकाे छ।</p>
<p>आकाश मार्गबाट छिटो सन्देश ल्याउने लाने भएकाले यमराजले कागलाई आफ्नो दूत नियुक्त गरेको जनश्रुति अहिले पनि रहेको छ।</p>
<p>तर, काग तिहारमा भने यी सबै नकारात्मक मान्यताहरूलाई बिर्सिएर कागको पूजा गरिन्छ।</p>
<p>आजको दिन कागलाई पूजाआजा नगरे र खान नदिए पापको भागी भइन्छ भन्ने धार्मिक मान्यता छ।</p>
<p>कागतिहारमा कागलाई घरआँगनमा बोलाई घरमा बनेका खाद्यान्न परिकार खान दिइन्छ।</p>
<p>पाँच दिनसम्म तिहार पर्व अन्तर्गत कार्तिक कृष्ण त्रयोदशीदेखि कार्तिक शुल्क द्वितीया तिथिसम्म मनाइने तिहार पर्वको आरम्भ काग तिहारबाट हुन्छ। काग तिहार कार्तिक कृष्ण त्रयोदशीका दिन पर्दछ। </p>
प्रतिक्रिया दिनुहोस्
.jpg)
