Health and Lifestyle

गृहपृष्ठ

सीसीएमसी र क्यानबीच समन्वय अभाव, यात्रुलाई विमानस्थलबाटै जबरजस्ती लगिन्छ आइसोलेसन काठमाडौं। लण्डनबाट नेपाल आएका विष्णुप्रसाद शर्मा बुधबार बिहान ११:३० बजे त्रिभुवन अन्तर्राष्ट्रिय विमानस्थलमा ओर्लिए। कतार एयरवेजको जहाजमार्फत काठमाडौं उत्रिएका उनलाई विमानस्थलले बाहिर निस्कन दिएन। ६ घण्टा विमानस्थलमै राखेर अपराह्न ४ बजे होटल आइसोलेसनमा लग्यो। उनी साढे ६ घण्टा विमानस्थलभित्रै थुनिनुको कारण थियो- उनी चडेको विमानमा सवार दुई जनाको पीसीआर रिपोर्टमा गडबडी। उनीहरूको समूहमा विमानस्थल आइपुगेका दुई जनाको पीसीआर रिपोर्टको समयसीमा ७२ घण्टा नाघेको विमानस्थलका कर्मचारीले बताए। तर, रिपोर्टको अवधि बुधबार साँझ ५:४५ मा मात्र ७२ घण्टा पुग्थ्यो।   रिपोर्टको अवधि नपुगेको भन्दै एउटै जहाजमा आएका चार जनालाई विमानस्थलले घर जान दिएन। सोही जहाजमा आएकामध्ये केहीलाई नि:शर्त छोडियो। संखुवासभाका सन्तोष लिम्बूका आफन्त १० नोभेम्बरमा लण्डनबाट नेपाल आए। त्यसअघि उनीहरूले कोरोना जाँच गराएका थिए। ८ नोभेम्बरमा उनीहरूको नेगेटिभ रिपोर्ट आयो। रिपोर्ट नेगेटिभ आएपछि उनीहरू १० नोभेम्बरमा कतार एयरवेजमार्फत नेपालका लागि प्रस्थान गरे। <blockquote> “पीसीआर रिपोर्ट नेगेटिभ छ। ७२ घण्टा अवधि ननाघेको हुनुपर्नेमा त्यो पनि छ। अनि के कारणले हामीलाई ६-६ घण्टा थुनियो भन्नेबारे स्पष्ट जानकारी पाएनौ।” </blockquote> त्रिभुवन विमानस्थलका कर्मचारीले उनीहरूको रिपोर्ट शंकास्पद भन्दै रोकिदियो। जबकि, उनीहरूसँगै आएका अन्य भने आधा घण्टामै विमानस्थलबाट बाहिरिए। उनीहरूलाई भनियो- पीसीआर जाँच गरेको रिपोर्टको अवधि ७२ घण्टा नाघेकाले होटल आइसोलेसनमा बस्नुपर्छ। कोभिड-१९ संकट व्यवस्थापन केन्द्र (सीसीएमसी)को आदेश भन्दै विमानस्थल कर्मचारीले घर जान नदिएको सन्तोषको भनाइ छ। “विमानस्थलभित्रका कर्मचारीहरूले फरक-फरक कुरा गरिरहेका थिए। उनीहरूको कुरा नै एक आपसमा मिलिरहेको थिएन। उनीहरूले आ-आफ्नो तरिकाले निर्णय गर्दा हामी मारमा पर्&zwj;यौं,” सन्तोषले भने। <img alt="" src="/uploads/editor/2020-11-12/043009957TIA-arrival.jpg" /> सन्तोषको आफन्तको दुई दिनपछि विवाह हुँदै छ। त्यसैका लागि उनी नेपाल आएका थिए। तर, उनीहरूलाई आइसोलेसनमा बस्नुपर्ने भन्दै घर जान दिइएन। उनीहरूसँगै आएका अन्यको रिपोर्ट पनि एकै प्रकारको थियो। उनीहरूलाई भने घर जान दिइयो। तर, तीन जनालाई भने होटलको आइसोलेसनमा राखियो। सबै जनाको पीसीआर रिपोर्ट सही भए पनि के कारणले आफूहरूलाई रोकेको स्पष्ट जानकारी नपाएको विष्णुप्रसाद शर्माले बताए। “पीसीआर रिपोर्ट नेगेटिभ छ। ७२ घण्टा अवधि ननाघेको हुनुपर्नेमा त्यो पनि छ। अनि के कारणले हामीलाई ६-६ घण्टा थुनियो भन्नेबारे स्पष्ट जानकारी पाएनौ,” शर्माले भने। कतार एयरवेजका कर्मचारी उपेन्द्र शाहका अनुसार नागरिक उड्डयन प्राधिकरण र सीसीएमसीबीच समन्वय नहुँदा यात्रुहरू समस्यामा पर्ने गरेका छन्। <blockquote> त्रिभुवन अन्तर्राष्ट्रिय विमानस्थलका प्रवक्ता राजकुमार क्षेत्रीले सरकारको मापदण्डअनुसार नै यात्रुहरूलाई ल्याइने गरेको बताए। मापदण्डले पीसीआर परीक्षणको रिपोर्ट ७२ घण्टाको लागि मान्यता दिइएको भन्दै त्यो समयावधी भएको खण्डमा कसैलाई पनि अवरोध नगरिने बताए। </blockquote> “सीसीएमसीबाट एउटा निर्देशन आउँछ। प्राधिकरणले अर्को निर्देशन दिन्छ। कोहीलाई पीसीआर परीक्षणका लागि स्वाब दिएको समयदेखि ७२ घण्टा भनिरहेका छन्। कोही रिपोर्ट आएको ७२ घण्टाभित्र भनिरहेका छन्। अब हामीले त उहाँहरूले दिएको निर्देशन मान्ने हो,” शाहले भने। विमानस्थलमा हरेक दिन यस्तो भइरहने शाहले बताए। “यो पहिलो घटना होइन। हरेक दिन यस्तो समस्या आइरहन्छ। हामीले त उहाँहरुले दिएको निर्देशन मान्ने मात्रै हो,” उनले भने। त्रिभुवन अन्तर्राष्ट्रिय विमानस्थलका प्रवक्ता राजकुमार क्षेत्रीले सरकारको मापदण्डअनुसार नै यात्रुहरूलाई ल्याइने गरेको बताए। मापदण्डले पीसीआर परीक्षणको रिपोर्ट ७२ घण्टाको लागि मान्यता दिइएको भन्दै त्यो समयावधी भएको खण्डमा कसैलाई पनि अवरोध नगरिने बताए। विमानस्थलमा भएको के थियो? सन्तोषका श्रीमती र उनकी फुपू लण्डनबाट आए। उनीहरूले लण्डनमा नै पीसीआर परीक्षण गराए। रिपोर्ट नेगेटिभ आएपछि उनीहरू १० नोभेम्बरमा ११:३० मा नेपालका लागि प्रस्थान गरेका थिए। उनीहरू बुधबार बिहान ११:३० मा काठमाडौं ओर्लिए। विमानस्थलमा पुगेपछि उनकी श्रीमती चेकअपपछि बाहिर आइन्। तर, उनको फुपूको पीसीआर रिपोर्ट शंकास्पद भन्दै विमानस्थलका सुरक्षाकर्मीले रोके। जबकि, फुपू र श्रीमतीको रिपोर्ट उस्तै थियो। दुवै जनाले सँगै पीसीआर जाँच गरेका, रिपोर्ट पनि एकै दिन आएको थियो। विमानस्थलमा खटिएका नेपाली सेनाको टोलीले रिपोर्ट शंकास्पद भनेपछि चिकित्सकलाई रिपोर्ट देखाइयो। <img alt="" src="/uploads/editor/2020-11-12/043020803Report-Showing-by-Bishnu.jpg" /> चिकित्सकले तत्काल जाने अनुमति नदिएपछि सीसीएमसीले होटलमा आइसोलेसनमा बस्नुपर्ने भन्यो। त्यसपछि भने उनीहरूलाई घर जान दिइएन। जबकि उनीहरूसँगै आएका अन्यलाई भने निर्वाध रूपमा घर जान दिइयो। उनकी श्रीमती र फुपूको रिपोर्ट शंकास्पद देखिएपछि उनीहरूको समूहमा आएका चार जनालाई भने विमानस्थलमा साढे ६ घण्टा रोकेर राखियो। होटल आइसोलेसनमा बस्न भनेको तर, उनीहरूले घर जान खोजेपछि समस्या देखिएको कतार एयरवेजका कर्मचारीको भनाइ छ।

प्रतिक्रिया दिनुहोस्