ब्राजिलमा चिनियाँ कोरोना भ्याक्सिनको तेस्रो चरणको परीक्षण स्थगित
<p>काठमाडाैं। ब्राजिलको राष्ट्रिय स्वास्थ्य निगरानी एजेन्सी (अन्भिसा)ले त्यहाँ परिक्षण भइरहेको चिनियाँ कोरोना भ्याक्सिनको तेस्रो चरणको परिक्षण स्थगित गरेको छ। </p>
<p>एक प्रयोगकर्तामा नराम्रो असर गरेपछि चीनको कोरोनाभ्याक खोपको परिक्षण स्थगित गरेको हो।</p>
<p>अमेरिकी औषधी निर्माता फाइजरले सोमबार आफूले विकास गरिरहेको कोरोना भाइरस विरुद्धको खोप ९० प्रतिशतभन्दा बढी प्रभावकारी भएको घोषण गरे लगत्तै ब्राजिलमा चिनियाँ खोपको परिक्षण स्थगित गरिएको हो।</p>
<p>कोरोनाभ्याक चीनको सिनोभ्याक बायोटेक कम्पनीले विकास गरिरहेको कोरोना भाइरस विरुद्धको खोप हो। यो खोप तेस्रो चरणको परिक्षणमा रहेको थियो। ब्राजिलियन बुटान्टन इन्स्टीच्युटसँग मिलेर चिनियाँ कम्पनीले साओ पाओलोमा परिक्षण गरिरहेको थियो। <br />
परिक्षण स्थगित गर्ने निर्णयले कोरोना भ्याक्सीन बनाउने चिनको योजनामा धक्का लागेको जनाइएको छ।</p>
<p>परिक्षण स्थगित गरेसँग अब चिनियाँ खोप ब्राजिलका कुनै पनि व्यक्तिमा प्रयोग गर्न पाइने छैन। खोपमा देखिएका समस्याहरुको पहिचान गरेपछि पुनः परिक्षणमा जान सकिने जनाइएको छ। <em>सीएनएन</em> </p>
प्रतिक्रिया दिनुहोस्
.jpg)
