कर्मचारीमा कोभिड-१९ देखिएपछि केआईसिंह गाउँपालिकाको सेवा बन्द
<p style="text-align: justify;">डाेटी। केआईसिंह गाउँपालिकाको सम्पूर्ण सेवा बन्द गरिएको छ।</p>
<p style="text-align: justify;">गाउँपालिकाका कम्प्युटर अपरेटर र वडा सचिवमा मंगलबार कोरोना सङ्क्रमण पुष्टि भएपछि एक हप्ताका लागि सेवा बन्द गरिएको गाउँपालिकाले जनाएको छ।</p>
<p style="text-align: justify;">गाउँपालिकाले आजबाट लागू हुने गरी एक हप्ताका लागि पालिकाबाट दिइँदै आएको सेवा बन्द गर्ने निर्णय गरेपछि सेवाग्राहीलाई समस्या भएको छ।</p>
<p style="text-align: justify;">नागरिकता प्रमाणपत्रका लागि दिइने सिफारिस, जन्मदर्तादेखि अन्य सेवा लिने सेवाग्राहीलाई निकै समस्या भएको स्थानीयवासी पदमबहादुर कार्कीले बताए। </p>
<p style="text-align: justify;">गाउँपालिकाले एक सूचना सार्वजनिक गर्दै आज सबै कर्मचारीको कोरोना परीक्षणका लागि स्वाब सङ्कलन हुने र त्यसको रिपोर्ट नआएसम्म सेवा बन्द हुने जनाएको छ। <em>रासस</em></p>
.jpg)
