विश्वमा दैनिक पाँच लाख बढी संक्रमित थपिँदै
<p>काठमाडौं। विश्वमा कोभिड-१९ को अवस्था झन् भन्दा झन् विकराल हुँदै गएको छ। </p>
<p>तीन दिनदेखि लगातार दैनिक पाँच लाखभन्दा बढी नयाँ संक्रमित फेला परिरहेका छन्। </p>
<p>दुई दिनअघि पाँच लाख आठ हजार ३४५, त्यसपछि पाँच लाख ४८ हजार ८५६ नयाँ संक्रमित थपिएका थिए। </p>
<p>पछिल्लो २४ घण्टामा अहिलेसम्मकै उच्च पाँच लाख ७१ हजार ५९९ नयाँ संक्रमित थपिएका छन्। </p>
<p>हाल विश्वमा कोरोना संक्रमितको संख्या चार करोड ५८ लाख ९० हजार २५७ पुगेको छ।</p>
<p>वर्ल्डोमिटर्सका अनुसार विश्वमा कोभिड-१९ बाट मृत्यु हुनेको संख्या ११ लाख ९३ हजार २०० पुगेको छ।</p>
<p>पछिल्लो २४ घण्टामा सात हजार ४७३ संक्रमितको मृत्यु भएको छ।</p>
<p>वर्ल्डोमिटर्सका अनुसार हालसम्म तीन करोड ३२ लाख ३७ हजार ११३ जना संक्रमणमुक्त भएका छन्।</p>
<p>विश्वमा सक्रिय संक्रमितको संख्या एक करोड १४ लाख ५९ हजार ९४४ छ। त्यसमध्ये ८३ हजार १९१ जना गम्भीर अवस्थाका छन्। <br />
सबैभन्दा बढी प्रभावित देश अमेरिकामा संक्रमितको संख्या ९३ लाख १४ हजार ३१२ पुगेको छ। </p>
<p>भारतमा संक्रमितको संख्या ८१ लाख ३६ हजार १६६ पुगेको छ भने ब्राजिलमा ५५ लाख १९ हजार ५२८ छ। </p>
प्रतिक्रिया दिनुहोस्
.jpg)
